الرد على شبهات النصارى

السلام علكم ورحمة الله وبركاته

"أنهم يحسنون صنعا(إذا يحسب أنه كسبان وهو خسران وهذا ياحماعة حالنا أي وربي حالنا لان الإعلام اليوم ايش سوا الإعلام جاب الثلاث ريال الباطل هذي

وزينها وقال ثلاث وجاب الخمسين الدين العظيم وقالك وحده ..سأنقل لك أخي الغالي و أختي الغالية بشائر اليوم بإذن الله عز وجل تبهج خاطر كل مؤمن

كنت في قطر شهر رمضان الماضي وألقيت محاضرة في أحد القطاعات وزارة الداخلية فلما انتهيت من المحاضرة قالي واحد من الأخوان المسؤولين هناك قال فيه واحد نصراني يسألنا عن الإسلام وما يتكلم عربي ممكن

تتكلم معه بالانجليزي وتنصحه مسؤولية يا جماعة هذا مخدوع مخدوع في عقيدته فقلت أبدا بكل سرور ورحت لقيت رجل بلغاري والله يا جماعة وجهه يعني يبسط النفس واحد يبغى حق

جاي يبغى حق تحس من وجهه انه يقول بس دلني وين الطريق فالشاهد جاء بكل أدب قال لي:ممكن أتكلم معاك عن الدين قلت ابداً اللي تبغى قال: ما تزعل مني قلت له ليش ازعل منك اسأل اللي تبغى قال:حتى لو

كان السؤال محرج قلت: حتى لو كان السؤال محرج طيب ليش .؟يا جماعة خلنا نشوف مسؤوليتنا اتجاه الكتاب أنا قاعد أتعامل معه

بمنهج الكتاب فأنا مبتسم له أخذ عليها اجر ولا ما أخذ عليها اجر ليش.؟لاني بدله على دين الحق وين الآية في كتاب الله عز وجل وين الآية اللي تقولي في كتاب الله سبحانه و تعالى لان يا جماعة حركاتنا كلها لازم تحكم بـ هـ الكتاب

ولا نصير غلط مثل الجهاز اللي تشتريه 110تشبكه على 220...................الكتالوج يقولك220ما يصلح وتشبكه ينفجر الجهاز إحنا يا جماعة شبكنا أنفسنا كثير على 220وين الآية يا جماعه الله سبحانه وتعالى يأمرنا لما أتكلم مع يهودي أو نصراني أني أتكلم معه بأي طريقة

قال الله عزوجل "ولا(شوف الآن نهي)تجادلوا أهل الكتاب إلا (أقوى أدوات الإثبات إن تنفي وتثبت لا إله إلا الله..ولا تجادلوا أهل الكتاب إلا ايش.؟بالحسنى ..لا ..بالتي هي أحسن..الآية" يعني عندك عشر كلمات,,أعطيك مثال بسيط أنا دخلت

سوالي د\محمد ولا الشيخ ابوحسين أي عمل مثلا خير فاقدر أقوله شكرا واقدر أقوله يا بعد قلبي والله ما قصرت تعبتك واقدر أقوله قل آمين الله يجزاك عني بالخير واقدر أقوله قل آمين اسأل الله عز وجل أن لا يبقي في صدرك أمنيه إلا بلغك أعظم منها الله يجزاك عني خير

وش الأحسن الرابعة اختار من هذي الأحسن وأعطيها واضح يا جماعه ما قال بالحسنى بالتي هي أحسن..طيب الله سبحانه وتعالى يقول"لا ينهاكم الله عن الذين لم يقاتلونكم في الدين أن تبروهم (ايش تبروهم كلمة تبروهم هذي اعرفها مع أمي وأبوي لا حتى مع الكافر اللي بتناقشه

في الإسلام للدعوة واضح يا جماعه ادعوا..".. أن تبروهم وتقسطوا إليهم أن الله يحب المقسطين"المهم يا جماعه سألني أسأله بقولها لكم الآن يحس كل واحد فينا بمسؤوليته تجاه الأسئلة الآن الدين يا جماعه اليوم الإعلام مطلع لنا ثلاث الريال كأنها أحسن من الخمسين وإحنا راضين منا ناس عارف بس ما يقدر يرد صح.! فقالي

البلغاري هذا قال: انتو يا المسلمين ليش تزعلون إذ احد قال أن عيسى ابن الله سبحان الله هذي كلمة عظيمة ياجماعة جدا ليش .؟لان الله في القران علمنا هذي الكلمة لو ترك الله الكون يعبر ايش بيصير صح ولا لا.؟ قال الله عز وجل "وقالوا اتخذ الله ولدا (قالوا إلى الآن ما فعلوا آية فعل فقط كلمة خرجت)قالوا اتخذ الله ولدا" تعرف ايش كان بيصير في الكون

يقول الله "لقد جئتم شيئا ‘إدّا"(يعني لا تظن الكلمة هذي سهلة طيب شوف الآيات اللي بعدها تقولك لو ترك الله الكون يقول الله يعني لو تركت الكون يعبر وواحد في الأرض قالها"اتخذ الله ولدا"ايش بيصير في الكون قال الله "تكاد السموات يتفطرن منه(تتقطع السموات السبع قطع قطع)وتنشق الأرض وتخر الجبال(الجبال أصلاً هي إلي مثبته الأرض يقول والله لو تركت الكون يعبر

تتقطع السموات وتنشق الأرض وتخر الجبال هدا"(الدمار هذا كله في الكون يصير ليش"أن دعوا للرحمن ولدا"لكن أنا الآن أتكلم مع واحد ادعوا فلازم أنا أحاكيه بكتاب الله عز وجل فتبسمت له قلت:له طيب قبل لا أجاوبك ايش رأيك تعلمني أنت ليش انتو تقولون ولد الله عشان أجاوبك قال: عندنا في الإنجيل انه مولود من أم بدون أب فإذًا أبوه الله سبحانه وتعالى تعالى الله علوا كبيرا,,قلت له تصدق

انك أنت والله انك إنسان منطقي وعندك عقل و الحمد لله ريحتني أني أناقش إنسان عاقل لان كلامك منطقي كل الناس أم وأب إلا هذا عليه الصلاة والسلام بابي وأمي إن يجي من أم بدون أب أنت ممتاز هذا اللي خلاه ولد الله تعالى الله علوا كبيرا قال إيه قلت ممتاز إحنا عندنا في القرآن

في جواب في القرآن يا جماعة عن السؤال هذا ولا ما فيه ,,يا جماعة الله يقول "ولا ياتونك بمثل(خله يقول أي سؤال عنده)إلا جئناك بحق وأحسن تفسيرا(تلقى جواب في القران مفصل فيه,

فقلت عندنا في القران وعندكم في الإنجيل وعند اليهود في التوراة أمر يقنعك إن هذا السبب مو بصحيح ايش هو الله يقول إذ احد قالك هالكلام قل له"أن مثل عيسى عند الله (مستغرب انه جاء من أم دون أب)إن مثل عيسى عند الله كمثل آدم.. خلقه من تراب(لا أم و لا أب إذا أنت مستغرب إن عيسى عليه السلام يأتي من أم بغير أب طيب طلع لي أم وأب لآدم ولا ,,من الأصعب آدم عشان كذا يوم قلت له قالي في حياتي ما فكرت فيها شف الآن يا جماعه الثلاث ريال قاعد تطيح إذ جاء قضية التفصيل الدين يسقط عندهم لان ما في شئ قال: طيب هذا الكلام صحيح قلت: هل آدم إله ابن الله قال: لا قلت: طيب هو أصعب قال.....................ت:

والله يا جماعة وجهه أصلاً تشوفه تقول هذا طالب حق فقالي :طيب بسألك سؤال ثاني أنا عندي شبهه يمكن عشان آدم عليه السلام ما يحيي موتى لكن عيسى عليه السلام يحيي الموتى قلت: ممتاز هذا اللي خلاه إله يعني الأول خلاص بطل قال :إيه الأول خلاص لكن الثاني عشانه يحيي الموتى ,,قلت ممتاز هذا الكلام عندنا

قال في القرآن قلت إيه في القران..عندنا في غير موضع في أماكن كثيرة في القران.."وتخرج الموتى بإذني(صح).الآية" قلت له طيب ممتاز هل هذا هو اللي خلاه ,,قال إيه لان ما يسوي هذا الأمر إلا إله ,,قلت ممتاز ايش رأيك بموسى هو ابن الله قال: لا قلت: ممتاز طيب موسى عليه السلام في التوراة والإنجيل وفي القرآن سوى أصعب من عيسى,,عيسى عليه السلام روح كانت موجودة في بشر ثم أخرجها الله عز وجل ثم أراد الله إن يعيدها بإذنه على يد عيسى عليه السلام صح ولا مو صح.!يعني روح كانت موجودة من أول زين,,

موسى عليه السلام قلب كائن من نبات عصا إلى حيوان ثم بعدين نفخت فيه الروح ومشى تسعى صح..!من أصعب اللي روح كانت موجودة أول ورجعها ولا اللي ما كان فيه روح ونفخ فيها روح بعد ما تغير الكائن من أصعب.؟موسى عليه السلام,,والله يا جماعة تشوفه تعرف يوم تفرمت الكمبيوتر يقعد يتغير

قال لي............فجلس ساكت ,,في واحد ثاني مدرب أمريكي<هذا كرته ياجماعة>إنسان مضلل هو اللي يدرب في وزارة الداخلية

والله ياجماعه كان واقف بعيد وماسك الشنطة وقاعد يتسمع من بعيد ولابس شنطته وقاعد يتسمع والله ياجماعه انه يطالع فيني إن عيونه مثل

شماغ الشيخ طبعا عيونه صفرا الأصل وحمر وجالس يطالع فيني حاقد وده انه يذبحني قال لهم المطوع لازم يخرب علينا

وهو جالس يسمع أنا قاعد أطول صوتي في الإجابة ابغاه يجي وشوي وإلا هو جاي مندفع قال:ابسالك سؤال ثم كذا حس انه قليل أدب شوي

فقلت: تفضل قال:...أنا آسف لكن هل ممكن اسالك سؤال والله ياجماعه انه من وجهه تشوفه يغلي قلبه دم مذكور في القرآن..؟مذكور في القرآن.."وإذ ذكر الله وحده (ايش يصير)اشمأزت قلوب الذين لا يؤمنون بالآخرة(مايبغون نتكلم عن ربي)قال وإذا ذكروا الذين من دونه إذا هم يستبشرون(والله يا جماعة أحداث قاعد أشوفها مكتوبة كلها في القران الشاهد

جاءني قالي:مين أحسن(يقوله الأمريكي))يقول مين أحسن محمد اللهم صلي وسلم عليه وعلى آله يا رب العالمين من أحسن محمد ولا عيسى عليه السلام يا جماعه النقاش مع هؤلاء تتناقش معهم كما تتناقش مع طفل

فلازم تسأل ليش ومن أحسن فـ قلت له أنت من عندك من أحسن قال لا لا أنا أبغى عندكم انتم في الإسلام من أحسن قلت له معليش أنا باجاوبك لكن أنت قلي من أحسن هذي يا جماعه طريقه محمدية بابي وأمي عليه الصلاة والسلام كان يفعلها مع الكفار لما جاء الحصين أبو عمران قال له كم إله تعبد قال سبعه ما قال النبي صلى الله عليه وسلم يا مجنون أنت تعبد سبعه

قال له أين هم,كأنه يتكلم مع واحد طفل قال أين هم قال ستة في الأرض وواحد في السماء جل جلال الله قال:يا حصين من لـ رغبك ورهبك إذ جاء الجد من تدعوا قال:ادعوا الذي في السماء

الشاهد قال:"أو ينجيك وحده قال إيه؛ قال ينجيك وحده وتشرك معه غيره في الأرض قال اشهد إن لا اله إلا الله

الشاهد لما جاء قالي مين أحسن قلت له أنت عطني مين أحسن عندك هو سامعنا بنظرات ولا شئ وجاء

فجاء قال لي حتى انتم عندكم في القران إن عيسى أحسن من محمد عليه الصلاة والسلام قلت له ممتاز أنا جاهل علمني قال كم ذكر عيسى عليه السلام في القرآن من مرة.؟أنا قلت له تقريبا ستة عشر <وأنا غلطان>وهي خمس وعشرون مرة

أنا قلت له ستة عشر قال هو ومحمد عليه الصلاة والسلام كم ذكر هذي أنا حافظها ومتأكد منها أربع مرات ,,قال:شفت قايل لك إن محمد عليه الصلاة والسلام اقل من عيسى عيسى عليه السلام ذكر ستة عشر مرة معناته انه أحسن حتى عندكم من محمد عليه الصلاة والسلام

قلت والله ممتاز أنت أضفت إلى معلوماتي معلومة جديدة عشان ذكر أكثر منه ممكن يكون أحسن منه قال إيه قلت أبشرك ترى إبليس أحسن منهم كلهم لان إبليس مذكور ما تفتح صفحة إلا وفيها إبليس.."وقال الشيطان ....إن الشيطان لكم عدوا...أكثر منهم كلهم ,,وفرعون أحسن منهم فسكت.!بعدين .

قال:أنت كيف تقنعني بدين؛؛قاعد الحين يتكلم فقال:

كلم هو الحين ما يبغى لنفسه هو قاعد يخرب علي الرجل الثاني هذا والرجل ذاك إذ جاوبت البلغاري ايش حليله لا جاوبت قام يضحك فقال:كيف تقنعني بدين ما في عدل

ممتاز, قلت أولا يا جماعة أنا ودي أحط القران لكن أحس أني كل شوي احتاجه..يقول كيف تقنعني بدين ما في عدل قلت ممتاز أنا أولا ما أقنعك ولا أحاول ادعوك أنا بقولك شئ صريح بنص كتاب الله الله يقول سبحانه"..قل لا تسألون عما أجرمنا ولا نسأل عما تعملون وإنا أو إياكم لعلى هدى أنا ما ندري أو في ضلال مبين تعالوا نتناقش ونشوف من اللي صح ومن اللي خطأ وإذ أقنعتني بدينك ووجدت إن

دينك هو الصح أنا بدخل فيه برضه هذي في القران ولا قاعد ألف ...الله سبحانه وتعالى يقول للنبي عليه الصلاة والسلام وأنت تناقش الكفار قل لهم"..قل إن كان للرحمن ولد(إذ اثبت لي إن للرحمن ولد ايش بيصير)فانا أول العابدين (مو بعبد أنا بصير أحسن منك فيه..واضح يا جماعة لكن تناقش وأنت عارف دينك مو تناقش وأنت جاهل بدينك واضح

فقلت له أنا وإياك نتناقش قلت أنا واحد من البشر اللي تربيت أمي وأبوي مسلمين لكن قاعد ابحث لين الحين وأبشرك أني ادعوا في كل صلاة واجب عندنا في الدين اقل مسلم يصلي خمس مرات في اليوم بدون نوافل يقول اهدنا صراط المستقيم كم مرة سبعة عشر مرة قلت أنا أقولها سبعة عشر مرة

فالشاهد يا جماعة قلت له تعال وين الظلم اللي تقول في الإسلام لأنه إذ اكتشفت إن في ديني ظلم أنا أول واحد بشوف وضعي

قال: الدين ظلم المرءاة صح.!إعلام الثلاث ريال أحسن من الخمسين وصدقنا قلت: له ممتاز وين ظلمها فيه قال:ما في مساواة بين الرجل والمرأة قبل لا أتكلم يا جماعة قبل لا أرد قال:لا تقول في مساواة,,في مساواة في الدين ولا ما في..؟

قلت :لا لا ابدآ ما في مساواة في الدين في كل شئ بين الرجل والمرأة قال: شفت أنا قايل لك إن ظالم لكن أنا ما ادري مع احترامي متى تصحون يا مسلمين قلت: ممتاز أنا أبغى اصحى وعشان كذا أنا قاعد أناقشك ما قلت والله ما أبغى أناقشك أنا عارف شئ من ديني وأناقشك فيه

فقلت له تعال وين المساواة عدل ولا ظلم أنت قاعد تتكلم عن الظلم صح ولا لا.؟ المساواة بين الرجل والمرأة فيها عدل ولا ظلم قال لي: لا عدل قلت المساواة ي كل شئ عدل قال لي إيه عدل قلت ممتاز طبعا أنا أعطيته أمثله لكن بقولكم مثال ثاني نفس القضية عشرين مثال يصلح فيها

لو أجيب اثنين طلبة جامعه واحد ولد في ألمانيا وعاش في ألمانيا ودرس كيمياء في ألمانيا وجاء..وواحد درس الكيمياء في الكويت وتخرج في الكويت وكلهم نفس الشهادة في الكيمياء هذا ما يعرف ألماني وهذا ما يعرف عربي طيب وأعطيتهم نفس الاختبار ونفس عدد الأسئلة ونفس القاعة

نفس المراقبين نفس المصححين نفس كل شئ عدل.!طيب أعطيتهم الاختبار باللغة العربية فقط مو عدل مع أني ساويت بينهم كل شئ أي شئ من عندي كأوامر نفس المساواة صار عدل ولا ظلم سكت.في قلبه شئ ,,البلغاري قال لا هذا ظلم قلت ليش قال لان قدراتهم مختلفة قلت:ممتاز

قدرات المرأة مثل قدرات الرجل.؟حتى في الطب الهموقلوبين اللي الله خلقه للمرأة ,,إذ جبت امرأة ورجل نفس العمر نفس الطول نفس كل شئ الهمقلوبين اللي عند المرأة مو مثل اللي عند الرجل واضح لو تجيب لي هيكل عظمي الآن أعلمك هو حق امرأة ولا حق رجل,,مو هيكل عظمي فقط جب لي عظمة الحوض وأعلمك هي حقت امرأة ولا رجل

أربع فروق أو أكثر في حوض المرأة الهيكل عظمي للمرأة واسع الزاوية مختلفة لان في جنين بيطلع منه الرجل ما عنده جنين فـ جا الحوض ضيق واضح يا جماعة

فما في مساواة أصلا صح ولا لا.؟ قلت له ممتاز طيب مين أحسن,, الله سبحانه وتعالى ي سورة النساء يقول "يعلمك انه مو زي بعض الرجل والمرأة قال الله "ولا تتمنوا(ما حرم الله عز وجل المطالبه والمظاهرات بحقوق المرأة مثل الرجل لا لا الله سبحانه وتعالى حرم إن يتمنى واحد من الجنسين إن يكون مثل الثاني ما علم احد جالس بيتهم يتمنى يعني واحد رايح وهو زوجته سهرانين برا ثم رجعوا قبل آذان الفجر بنصف ساعة..المرأة فيها الدورة الشهرية تضرب نوم من الحين إلى العصر لا صلاة ولا عبادة والرجل الحين قاعد يتقلب يبغى ينام ويبغى يصلي الفجر فتخيل لو طالع زوجته وهي

نايمة وقال والله ياأخي ما لقاها إلا هـ الحريم ليتني حرمه كان لا صلاة ولا عباده هذي الأمنية حرمها الله عز وجل وبكرة يطلع بالجرايد يقول نريد دورة شهرية نأخذ أسبوع إجازه من الصلاة هذي الأمنية فقط الله حرمها قال الله.."ولا تتمنوا ما فضل الله(إذا في تفضيل بينهم)ما فضل الله به(ايش الرجال على النساء و لا النساء على الرجال)ما فضل الله به بعضكم على بعض(عني في أمور المرأة أحسن من الرجل

مليون مرة والله ما يلحقها في فضلها وفي أمور الرجل أحسن من المرأة بملايين المرات والله ما تلحقه)فـ عشان كذا الله عز وجل قال".. ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله..الآية"إذٍ ما هم متساوون مع بعض

قلت له تعالى أنا باخذلك جزئية وحده فقط لو أخذنا القدرة الجسدية فقط وجبنا اثنين رجل وامرأة واحد ميكانيكي وحده ميكانيكية طولهم واحد وزنهم واحد وعمرهم واحد طيب..واضح يا جماعة معي,, يشتغلون كل يوم اثني عشر ساعة من الأقوى جسديا من الأقوى.؟الرجل ,,من الأضعف جسديا المرأة,,طبعا لاحظ في نهاية الشهر يستلمون نفس الراتب ولا,, من الأضعف جسديا المرأة وهذا,,هي مكان الشحوم عندها عنده عضلات عشان كذا قياس بالوزن المثالي لو دخلت في أي موقع تحسب وزنك المثالي يسألك أنت رجل ولا امرأة لان الله عز وجل خلق غير تضرب هذي في عدد اقل من هذي عن الشحوم هنا عضلات وهنا أقوى بالجسد والمرأة اضعف واضح.!ء"

ويأخذون نفس الراتب للأسف من اللي يعاني أكثر المرأة ويعطيها نفس الراتب ظلمه,,طيب من اللي يجيه دوره شهريه يتغير عنده الفسلوجيه والهرمونات وينزل منه دم وينخفض الضغط عنده والهرمونات تتغير الحالة العصبية والجسدية والنفسية تتغير فيضعف أكثر منهو.؟المرأة وهذا ما يجيه شئ و يأخذ نفس الراتب طيب مين اللي يحمل منهم تسعة اشهر يضعف في الحمل ولا ما يضعفها قال الله "وهنا على وهن ."الأول ثلاث شهور وأخر ثلاث شهور مصيبة فتضعف أكثر من اللي يحصل عنده نفاس تضعف أكثر..طيب من اللي يجي للعمل

وقلبه مع أولاده في البيت المرأة وكل هذا المعاناة التي تصيب المرأة من طبيعة خلقها ما تُقدر فيعطيها نفس الراتب فقلت له هذا ظلم ولا عدل سكت,, قلت تعطيهم يا ظالم نفس الراتب هذا ما يجيه لا حمل ولا دورة وعضلات وكل شئ وتعطيه نفس الراتب يا أخي لو في ذرة رحمة عند حقوق المرأة العالمية كان قالوا تعال يا أخي هذي المرأة تتعب تعالوا نعطيها عدد اقل في ساعات العمل أو راتب أكثر صح.حصل هذا.؟ما حصل عطوها ثلاث ريال ولا.ا منها خمسين صح.! وهي راضية..المرأة مظلومة هنا صح ولا لا ..

قلت له تعال:أنا ابغاك تعطيني دين في العالم أو مذهب في العالم أو شركة في العالم قلت ابسط خريطة الكرة الأرضية وعطني أي شركة في الدنيا كلها و أنا بقبلها منك شركة وحدة بس أو دائرة حكومية وحدة بس تقدر المرأة وتقول لها في فترة الدورة الشهرية عندك بنقدر تعبك وضعفك في الجسد ونفسيتك ونعطيك إجازة أسبوع كل شهر فيه

قال:ما فيه,,فيه ولا ما فيه يا جماعه ,,تشتغلين

يا أخي قليل الحياء والله يا جماعة يسافر هو وزوجته وهي تحاسب لان مستحيل يروح يداوم وهي جالسه في البيت والله ما يهنى له بال أنا أروح أكرف وهي تأخذ فلوس تشتغل مثلي طيب هي تحمل أنت ما تحمل هي عندها دورة أنت ما عندك دورة المهم يا جماعه قلت له: الإسلام العظيم الدين العملاق القوي يقدر وضع المرأة أعطاها إجازة مو في العمل أعطاها إجازة في ثاني أركان الإسلام عمود الدين يعني الدين كله يشال على عمود الدين يقول لها إذ جاءتك الدورة الشهرية لاتصلين طيب الفجر كلها ركعتين اقدر اصلي كلها خمس دقايق لا لا أنتي لما تركعين الضغط أصلا هابط عندك لما ترفعين يجيك دوخة, الإسلام مايبغاك تحسين بالدوخة هذي..فارتاحي

عطنا دين في العالم يقول لها تعالي قعدي..أبصوم لا لا ولا تصومين اقدر لا لا ابدآ ارتاحي أركان الإسلام كم.؟خمسه ثلاثة منها تتطلب مجهود صلاة صيام وحج الإسلام يقولها أنطيح عن أركان الإسلام أكثر من50%من أركان الإسلام تطيح عنها تقديرا لوضعها

قلت عطني دين يعطيها أحسن من الإسلام وأنا أتنصر فيه.؟والله يا جماعة ساكت ,البلغاري متشقق فرحان فقاعد يسمع ويضحك فقال لي <هو الحين مازال يفكر في مين.؟في البلغاري يبغى يشوها لقضية فقال أي معليش حتى لو أقنعتني في هذي كيف تقنعني في قضية المحرم كل مكان تروح المرأة محرم محرم والرجل يروح على كيفه صح.!قلت له هذي ميزة للرجل أم للمرأة.؟قال كيف ميزة للمرأة هذي ميزة للرجل والمرأة مسكينة ما تروح إلا مع محرم في الإسلام

قلت له ممتاز هذا عيب في الإسلام يا جماعة قاعدين يسوون الثلاثة أنها أحسن من خمسين..قلت ممتاز هذا عيب ولا زين قال: لا عيب قلت له شفت الملوك شلون يطلعون وشفت كبار الشخصيات كيف يطلعون يروحون على كيفهم ولا لازم معهم ناس قال:لا معهم ناس قلت معقدين هذولي ما قد شفنا جريدة أو مجلة تقول الملوك معقدين ما يقدر الواحد يروح لحاله لازم معه ناس

البلغاري عالم السعادة مبسوط والأمريكي يبغى يخرب الجو قال أي لكن هذي اللي طالعين الحراس الشخصيين طالعين مع الملك وكبار الشخصيات هذ طالعين عشان غرض حماية قلت ممتاز وهو طالع معها عشان يغتصبها.!!..هو طالع معها عشان يحميها

قلت لكن أزيدك من الشعر بيت الملك الحراس الشخصيين اللي معه هو اللي يدفع لهم فلوس ويسكنهم على حسابه يصرف عليهم..وهذا الحارس الشخصي اللي طالع مع المرأة هو اللي يصرف عليها يعني يحميها ويصرف عليها..البلغاري يقول هذا شئ عظيم والأمريكي منهبل قال طيب ليش قضية الولي يا أخي خلها تروح تتزوج على كيفها مثل ما يتزوج على كيفه قلت له ممتاز قلت عشان كذا سووا عندكم جائزة<سووا جائزة في أمريكا اللي تتخرج من الثانوية وهي عذراء بكر تأخذ جائزة قعدت الجائزة ثلاث سنوات ما احد أخذها لان ما في ولي يحميها قلت له عشان كذا المرأة عاطفتها أقوى من عقلها

فهنا هي عندها قوة في العاطفة أحسن من الرجل هو أحسن منها في قضية العقل واضح يا جماعة ,هذ يا جماعة ما هو شهادة مسلمين شهادة كفار ادخل أية موقع طبي قل أبغى اختلافات المخ

مصورينها بأشعة مغناطيسية وأشعة مقطعية هذا ما يقوي كلام القرآن لا..! القرآن يقوي كلامهم واضح..

الشاهد المرأة الحين لو وحده بالسوق باللهِ وماشية وجاء واحد وتعدى عليها وأخذ شنطتها,وجاء واحد منا يمكن انه اسواء واحد في العالم <إن شاء الله بعيد عنكم جميعاً

وجاء ولحق اللي أخذ شنطة البنت وضربه ضربه لين قال بس وجاب الشنطة وقال للبنت تفضلي وأنا آسف على اللي سواه الخبل هذا و أنا أبمشي معك إلى إن تطلعين عشان ما يجي واحد مثل هذا الأهبل

وتكونين إن شاء الله تحت رعايتي وجلس يمشي وراها ولا أحد يقبل على البنت,,البنت هذي قلبها الحين وين رايح للرجال هذا مع إن يمكن اسواء واحد في العالم صح.! لكن موقف سلب عواطفها

فتخيلوا وهي داخله المحل وطالعه إلا أبو الشباب راح وجاب عصير بارد وقال تفضلي يا عيوني لعلك شوي ارتبكتي من القضية اللي صارت من شوي فهدي على نفسك لو قال لها شرايك نأخذ كاس قهوة,, لان الحين خلاص

فعشان كذا الإسلام قال بعيده عليك أنت عشان توصل للغاليه هذي قدامك عقبات قدامك ولي وقدامك مهر وقدامك ذهب وقدامك عواقب هذي مو سهلة رخيصة أي واحد يحاسب عنها

ولا شئ يروح...واضح يا جماعه,,قلت :نروح لإدارة العدل الأمريكية واطلعوا يا جماعة على هذي الأشياء على الانترنت موجودة اكتب موقع إدارة الأمريكية تجد فيه حالات الاغتصاب مكتوب بمعدل كل ثانيتين تغتصب إمرأة في أمريكا يعني في الدقيقة كم ثلاثين يعني للان كم.؟من يوم بدينا

بالمئات كل دقيقة 30وعليك الحساب كل ثلاث دقايق تسعون,,قلت هذي حقوق المرأة عندكم يعني طلعتوها وعريتوها واغتصبتوها يعني ليتك يوم طلعتها على الأقل حافظت عليها

فأنا يا جماعة في كتيب بينزل لي إن شاء الله وفيه مثال ترجمت الوصايا اللي حاطينها إدارة العدل الأميركية ومراكز الدراسات والله يا جماعة اليوم كنت اكلم واحد من المخرجين عشان بنطلعها كحلقات والله تقعد تضحك و تحمد الله على النعمة الإسلام كاتبين هذه وصايا أربعة وعشرون وصية عشان يكون فرصة سلامة من الاغتصاب لك يعني أكثر

ما بين كل ست حريم بأمريكا تغتصب وحدة لازم يا جماعه كم فينا امرأة كم تعرضت للاغتصاب في حياتها عشان تعرف دينك العظيم هذا..الشاهد كاتبين من الوصايا..إذا أردت الخروج

خذي معك صفارة<حكم مباراة عشان إذ اقترب منك المغتصب تصفرين الحمد لله على العقل ,,ويقول في الثانية حاولي إن تاخذي دورة في الدفاع عن النفس <داخله بطولة تكوندوا يعني هذي حرمه تأخذ دورة عشان ما تغتصب يا جماعة أقرؤها

خذي معك كلب ما يجي محرم بس خذي كلب الدين قال لا خذي رجال معك الرجال يحميك بعد الله,,قال خذي كلب والكلب هذا يفضل أن يكون كبيرا عشان يدافع عنك وما في مشكلة أن يكون الكلب صغير لان بينابح

ويطلع صوت فينتبهون لك الناس يساعدونك,,اذهبي إلى اقرب جرس إنذار واكسريه

والله يا جماعة كلها بس قاعد اكتب جنبها آية أو حديث يقولك واعلمي أن 78%من حالات الاغتصاب تكون من أصدقاء العائلة وزملاء العمل بيض الله وجهك يا رسول الله بابي أنت وأمي قال الحمو الموت

والحين المنافقين اليوم يقولون يا أخي أشفيكم انتم تسيئون الظن يا أخي يعني لازم زميلها بيغتصبها,,هذي إحصائيات أسيادك؛؛فالشاهد لما تكلمنا عن قضية الولي قلت الولي هذا جاي ايش شغلت الولي يا جماعة في الإسلام شغلت الولي هذا شغلة وحده

فقط انه يشتغل فلتر ما يسمح لأي واحد خربان يدخل واضح مستشار بالمجان شف الإسلام كيف يعطيها مستشار بالمجان إذا جاء واحد صح واحد يستاهل ورده الولي ايش يصير الحكم في الإسلام يطيح الولي هذا جيبوا لنا ولي غيره لان الفلتر خربان وتسقط الولايات لين تروح لي الحاكم اللي يخول القاضي فيحكم فيها

الشاهد جاء سألني عن قضية حامية جدًا قال لي: طيب والله يا جماعة كل شوي الصوت يقل عنده وعندي قال:طيب ليش تسمحون للرجل يتزوج من أربع نقطة ساخنة..ولازم في الدين يا جماعة إحنا عندنا خمسين هم عندهم اقل من ثلاثة فإذا طرحت تطرح بقوة لأنه ما هو قوتك قوة الدين

قلت له : أنت من وين قال: من شمال أمريكا قلت له : ممتاز أنا ابعطيك إحصائية أربع دول كبرى ألمانيا وروسيا وبريطانيا وأمريكا إحصائيتهم هم يا جماعه لو تزوج عندهم كل رجل بامرأة يطلع على الهامش في بريطانيا 7.8مليون امرأة ما عندها زوج

هامش ,,,في ألمانيا 9مليون,,في أمريكا 5مليون في روسيا عدد قريب من 8مليون؛؛؛قلت ممتاز تعال نتكلم الحين بعيد عن الدين بقضايا واقعية لا تعطيني نصف حل عطني حل الآن هذولي اللي الملايين اللي برا ايش بيسوون قلت لو وحده منهم أختي وأختك ايش عندهم..عندهم حلين فقط لا ثالث لهما الحل الأول إما أنها تكون عاقلة

تصبر في صبرها هذ ضرر عليها من ناحية ايش من ناحية أنها حرمت الأمومة وقضية الأولاد وقضية الزوج...ايش الخيار الثاني أنها تروح تلعب طيب تلعب مع مين كل الرجال متزوجين

تلعب مع مين مع واحد متزوج.صح..! لكن لا ضمن لها لا بيت ولا مصروف ولا مبيت ولا أي شئ اخذ شغلته كأنه الله يعزكم مار بحمام وقضا حاجته ومشى صح.! قلت له تعال عطني الحين حل عملي أنا ما أكلمك بالأديان عطني حل عملي ايش بيسوون هذولي.. سكت

قلت انتو عشان كذا أي نظام بشري وضعي ما في حل في ربع حل نصف حل أو مشكلة قلت طيب:تعال الحين نتكلم كلام علمي لا بالقران ولا بسنة ,,قلت الآن من اللي وفيات أكثر في الرجال ولا في النساء في الرجال هذ إحصائيات عالمية في الحروب والمواجهات

. وحتى ألعابهم ألعاب متهورة فالموت عند الرجال أكثر.طيب طبيًا الأطفال الذكور اقل مناعة من الأطفال الإناث فيموتون أكثر عشان كذا قال النبي عليه الصلاة والسلام في آخر الزمان يكون مقابل كل رجل كم امرأة خمسين,قلت له تعال الآن عطني حل أنا ما أبغى أقولك

سكت ما عنده حل,قلت: ليش تحطون الناس بدون حلول وتجيبون حلول قلت: انتم الآن كل واحد فيكم أمريكي معدد كل واحد في الغرب معدد لكن معدد هو الكسبان والمرأة الخسرانه لأنه لعب في سبعين ثمانين وحدة ولا وحدة منهم سكنها صح.!ولا وحدة منهم صرف عليها,,,لما يكون في الطيارة سبعين مقعد والركاب ثلاثين ما احد بيقول لو أحط رجلي على ثنتين أو ثلاثة صح..!لكن

القران والسنة يقول لا لا والله أن تجي يوم القيامة مايل جنبك شقك مايل فقلت له تعال عطني حل ما عندهم حل يا جماعه,,والله يا جماعة قالها ادري انه فقد عقله في ذيك اللحظة,,,قال:طيب مدام الرجل يحل له

يتزوج أكثر من وحدة ليش ما يصير الحرمة تتزوج أكثر من واحد

قلت الحين متورطين ما لقينا للحريم رجاجيل نروح ...ما عندنا رجال ما فيه

فالبلغاري يا جماعة البلغاري اسلم بفضل الله عز وجل اسلم خلاص حق عنده خمسين أكثر من ثلاث ريال,,فـ آخر شئ سألني هذا الأمريكي سؤال قال بسألك سؤال أخير

قلت له اسألني أي سؤال تبغاه لكن أبسالك أنا بعد سؤال واحد فقط هل تظن أنت أن الدعوة الموجهة في الإعلام ضد الإسلام ولا ضد الأفعال واضح كلامي يا جماعة..؟يعني فعل خطا أي واحد سواه مسلم أو غير مسلم يعاقب صح..! أو انه ضد الإسلام

قال: لا ضد الأفعال قلت: ممتاز ضد الأفعال طيب الفعل نفسه وشف ردة فعل الإعلام عشان نعرف أن مضحوك علينا يا جماعة اللحية هذي تطلع عند الرجال صح.!طلعت عند مسلم وخلاها على سنة نبيه عليه الصلاة والسلام,,طلعت عند يهودي خايس مع طقيته ذيك التعبانه التافهة ايش يقول الإعلام لما يطلعون صورة اليهودي ايش يقولك,يقولك هذا قاعد يزاول دينه.يطلعونه

على أغلفة المجلات وهو كويس ويزاول دينه صح ولا لا .؟طيب المسلم شوف الإرهابي جا صح.قلت: الفعل نفسه ليش انتو حكمتوا علينا غلط أن الحجاب

عند المسلمين بس..شفتوا الراهبات يا جماعة ولا لا الراهبات في الكنيسة شفتهم بعيوني والله لو تدخل السوق أن أكثر النساء المتبرجات أنها تقول والله حجابها أحسن من حجابي..الراهبات شفتوهم حجاب من الرأس إلى الرجلين وتمشي بكل حياء لما يطلعونها على أغلفة المجلات يقولون هذي عظيمة صح.!هذي تطبق دينها هذي ضحت بنفسها من اجل الدين ومن اجل نصرة الدين صح.ولما تسوي الحجاب وتتحجب امرأة ايش يقولون بالله كيف عايشه هذي بالله حرام عليك صح .طيب الفعل نفسه لاحظتوا يا جماعة انه مضحوك علينا ,,لما يحصل تفجير في أي مكان

في العالم هل يقولون شوف النصارى اللي فجروا ش دينهم الإرهابي تعالوا نبحث في الإنجيل عشان نغير فيه لا مستحيل يقولون ايرلندي ينسبونه إلى مكان أو إلى جنسية لكن مستحيل يقولون هذا وش دينه صح!لكن لما يسويه مسلم العمل

غلط متفقين لما يفجر احد الآمنين اتفقنا غلط طيب سواه مسلم ايش يقولون سعودي مصري كويتي لا يقولون الإسلام تعال نغير الإسلام طيب الفعل نفسه قلت له أبقولك حاجة والله يا جماعة هنا بعد الكلام اللي قلته له أن وجهه تغير أفعاله تغيرت نبرة صوته نزلت قلت: الآن أولادنا اللي يلعبون يا جماعة الاكس بوكس و البلايستيشن تعال طالع ولدك وهو قاعد يلعب ايش تلقاهم يقولون وهم يلعبون الأطفال...

حرب فيها.قنابل وأسلحة..الآن هذ الألعاب لو بالله كان صانعها مسلم ايش بيقولون أول ما تشوف العلمانيين اللي عندنا بتشوفهم بالجرايد انظروا إلى هؤلاء الإرهابيون كيف يغرسون الإرهاب في قلوب الأطفال حتى في الألعاب صح..! لكن لما كان اللي صانعها أسيادهم اليهود ايش قالوا ما في تعليم صح.!! صح يا جماعة ولا لا عشان نعرف إحنا نايمين .ونحن إذ امرنا أو نهينا كأهل الكهف أيقاظا نيامٌ .فـ يا جماعة نصحي اسألوهم كلموهم انتم تعلمون أطفالنا وأطفالكم الإرهاب والتفجير والقتل والدم,طيب ليش ما في أحد فينا يا جماعة يقول تعالوا إحنا عندنا خمسين انتم عندكم ثلاثة عندكم واحد اثنين ثلاثة أربعه خمسه ويناقش ليش ما نناقش ..يأتي الرجل للنبي عليه الصلاة والسلام يقوله يا رسول الله عندي تضحيات وعندي مال وعندي وعندي من أحق الناس بصحبتي يا رسول الله <من اللي أقدم له من تضحيات وفلوسي و و...>قال: أمك ثم من .<فهم هو انه أمك..ثم من .قال: أمك<يا رسول الله فهم,الرجل قال ثم من .قال: أمك,,قال: ثم من. قال ثم أبوك

.فيه مساواة.؟75للمراة و25 للرجل تستاهل.؟ أي وربي تستاهل

يا جماعة لما يأتي رجل ويقول يا رسول الله بجاهد فقال: أمك حيه قال:نعم قال:الزم قدمها فثم الجنة تعال عطني دين في العالم حط الجنة عند قدم امرأة ما فيه ..يا جماعة لازم نعرف دينا نعرف الخمسين اللي عندنا بدال ما لعبوا علينا بالثلاث ريال هذا مسؤولية...انتهى